Monkey 47 Gin 50 cl;

စိတ်ဝင်စားစရာကောင်းလှသည့် သမိုင်းနောက်ခံနှင့် Monkey 47 Gin သည် ထူးခြားလွန်းလှသည်။ ဗြိတိသျှ လေတပ်မှ ဒုဗိုလ်မှူးကြီး (Wing Commander) Montgomery Collins ၏ ဘဝတစိတ်တပိုင်းဖြစ်ခဲ့သည့် Gin လည်း ဖြစ်ပါတယ်။ ဒုတိယကမ္ဘာစစ်ကြီးပြီးနောက် ဂျာမနီနိုင်ငံ ဘာလင်မြို့မှာ Berlin Zoo ကို ပြန်လည် တည်ဆောက်ဖို့ တာဝန်ပေးခံခဲ့ရတဲ့သူထံတွင် Max လို့ အမည်ပေးထားသည့် Egret မျိုး မျောက်တကောင်ကို ကျွေးမွေး ထောက်ပံ့ခဲ့ရပါသည်။

၁၉၅၁ ခုနှစ် လေတပ်မှ အနားယူခဲ့သလို ဘာလင်မှလည်း ထွက်ခွာခဲ့ကာ ဂျာမနီအနောက်တောင်ပိုင်း ရှိ Black Forest ဒေသသို့ ပြောင်းရွှေ့နေထိုင်ပြီး လက်ပတ်နာရီပြုလုပ်တဲ့ လုပ်ငန်းကို လေ့လာခဲ့ပါသည်။ သို့သော်လည်း  နာရီလုပ်ငန်းကို အကြောင်းအမျိုးမျိုးကြောင့် မလုပ်ကိုင်ဖြစ်ခဲ့ဘဲ Max ကိုသတိရသည့် အမှတ်တရအဖြစ် “Zum Wilden Affen” (The Wild Monkey) ဆိုသည့် အမည်ဖြင့် Guesthouse တလုံးကိုသာ ဖွင့်လှစ် လုပ်ကိုင်ခဲ့ပါ သည်။ ယင်းအချိန်က ဂျာမနီအနောက်တောင်ပိုင်း ဒေသဖြစ်တဲ့ Black Forest မှာ Fruit Liqueur ချက်လုပ်တဲ့ လုပ်ငန်း အဓိကလုပ်ကိုင်ကြတာကြောင့် Gin ချက်လုပ်ရန် Idea ရခဲ့ပြီး “Schwarzwald Dry Gin” ကို စတင် ဖန်တီးခဲ့ပါသည်။ မိမိပိုင်ဆိုင်သော Guesthouse ၏Trademark Gin အဖြစ် ၁၉၇၀ ခုနှစ် နှောင်းပိုင်းထိ တိုင် အောင် ထုတ်လုပ် ရပ်တည်နိုင်ခဲ့ပါသည်။

သူသေဆုံးပြီး နောက်ပိုင်းသူပိုင်ဆိုင်ခဲ့သော Guesthouse နေရာကို ပြန်လည်ပြုပြင် တည်ဆောက်ခဲ့သည့် ဆောက်လုပ်ရေး အလုပ်သမားများမှ သေတ္တာနဲ့ထည့်ထားတဲ့ Gin ပုလင်းတွေကို ရှာဖွေ တွေ့ရှိခဲ့ပါသည်။ “Max The Monkey” ဆိုတဲ့ အမည်တပ်ထားပြီး “Schwarzwald Dry Gin” လို့ Label တပ်ထားတဲ့ Gin ပုလင်းများနဲ့အတူ စာတစ်စောင်ကိုပါ တွေ့ရှိခဲ့ပါသည်။ အဲဒီစာမှာ သူ့ရဲ့ Gin ချက်လုပ်ဖို့ အသုံးပြုတဲ့ Botanical စာရင်းပါဝင်ပြီး အဲဒီထဲက သုံးပုံတပုံကို Black Forest တောအတွင်းမှာပဲ ကိုယ်တိုင်သွားရောက်ခူး ဆွတ်ရယူခဲ့သည်ဟု ရေးသားထားသောမှတ်တမ်းများမှ မှတ်သားရပါသည်။

၂၀၀၆ ခုနှစ် အမေရိကန် Detriots မြို့ရောက် ဂျာမနီလူမျိုး Alexander Stain ဆိုသူမှ ၄င်း အလုပ်စားပွဲပေါ်မှာ ထိုင်နေခဲ့စဉ် ထိုဇာတ်လမ်းအကြောင်းအား ဂျာမနီနိုင်ငံမှ သူငယ်ချင်း တစ်ယောက်လှမ်းပြောပြတာကို နား ထောင် ခဲ့ရပါသည်။ ဂျာမနီနိုင်ငံမှာ Brandy ချက်လုပ်တဲ့လုပ်ငန်း ပိုင်ရှင်မိသားစုမှ ဆင်းသက်လာသူ Alexander Stain သည် Nokia ကုမ္ပဏီမှာ Senior Level ရာထူးဖြင့် လုပ်ကိုင်နေခဲ့ချိန်ဖြစ်ပြီး ၄င်း Gin ကို ပြန်လည် ဖော် ထုတ် ဖန်တီးဖို့ အကြံညဏ်အားရရှိ ခဲ့ပါသည်။ ၂၀၀၈ ခုနှစ်တွင် အလုပ်ထွက်ခဲ့ပြီး မိသားစုရဲ့ အရက်ချက် လုပ်ငန်း နယ်ပယ်ကို ပြန်လည် ဝင်ရောက်ခဲ့ပါသည်။

ဂျာမနီတောင်ပိုင်းဒေသ မွေးရပ်မြေကို ပြန်ရောက်ချိန်တွင် Master Distller တစ်ဦးကို ရှာဖွေခဲ့ပြီး Christoph Keller နှင့် ချိတ်ဆက်မိခဲ့ပါသည်။ Christoph Keller ဟာ သူ၏ Fruit Brandy တွေချက်လုပ်မှုကြောင့် နာမည် ကျော်ကြားပါသည်။ (၂) နှစ်တိတိကြာအောင် Recipe ကိုစမ်းသပ်ခဲ့ပြီး ဖန်တီးထုတ်လုပ်နိုင်ခဲ့သည့်အပြင် မူလ Montgomery Collins ၏ “Schwarzwald Dry Gin” Recipe သာမကပဲ စုစုပေါင်း Botanical (47) မျိုးဖြင့် ပြုလုပ်ထားတဲ့ Gin ကို ဖန်တီးခဲ့ပါသည်။ ၂၀၁၀ ခုနှစ်တွင် စျေးကွက်မှာ စတင်မိတ်ဆက်ခဲ့ပြီး တံဆိပ် အမည်ကို လည်း Montgomery Collins ၏ အချစ်တော် မျောက်ကလေး “Max” ကိုဂုဏ်ပြုရင်း Botanical (47) မျိုး အသုံးပြုတာကြောင့် “Monkey 47 Schwarzwald Dry Gin” လို့အမည်ပေးခဲ့ပါသည်။ Juniper Berry သီးမှ လွဲ၍ ကျန်သည့် Botanical များကို Black Forest မှသာရယူချက်လုပ်ပါသည်။ ချက်လုပ်တဲ့ စက်ရုံကိုလည်း Black Forest Distillery ဟုအမည်ပေးကာ Alexander Stain မှ တည်ထောင်ထုတ်လုပ်လျက်ရှိပါသည်။ Monkey 47 Schwarzwald Dry Gin ကို စတင်မိတ်ဆက်ခဲ့ပြီး မကြာခင် ၂၀၁၁ ခုနှစ်တွင်  International Wine & Spirits Competition ၏ Gold (Best in Class) ဆု နှင့် World Spirits Award ရဲ့ “Gold” ဆုများ ကို ရရှိခဲ့ပါတယ်။ ထို့အပြင် ဒီဇိုင်းနှင့် ပုလင်း Shape တွေအတွက် လည်း ဆုများ ရရှိထားပါသည်။

၂၀၁၆ ခုနှစ်မှာ Pernod – Ricard ကုမ္ပဏီမှ Monkey 47 ၏ ရှယ်ယာအများစုကို ဝယ်ယူခဲ့ပြီး ၂၀၂၀ မတ်လတွင် လက်ကျန် ရှယ်ယာများကိုဝယ်ယူပြီး အလုံးစုံပိုင်ဆိုင်ခဲ့ပါသည်။သို့သော်လည်း Monkey 47 ၏ ထုတ်လုပ်မှုတွင် စတင်တည်ထောင်ခဲ့သူ Alenxder Stain မှအဓိက ဆက်လက် ဦးဆောင်နေဦးမှာ ဖြစ်ပါသည်။

နှစ်စဉ်နှစ်တိုင်း Distiller Cut အဖြစ် ၂၀၁၁ ခုနှစ်မှ စတင်ပြီး Monkey 47 မှ Special Edition အဖြစ်ထုတ်လုပ် ခဲ့ပါသည်။ ယင်းသို့ ထုတ်လုပ်ထားသည့် Disillers Cut တိုင်းတွင်လည်း မူရင်း Botanical 47 မျိုးအပြင် အခြား ထူးခြားသည့် Botanical တမျိုး အနည်းဆုံး ထပ်ပေါင်းပြီး ထုတ်လုပ်ပါသည်။

၂၀၁၁ ခုနှစ် Mokey 47 Distiller Cut တွင် Lime, Raspberry, Cranberry အနံ့အရသာကဲပြီး ၂၀၁၅ ခုနှစ်ထုတ် တွင် Black Forest တောထွက် ဆေးဖက်ဝင် Spignel ဆိုသည့် အပင်မျိုး နှင့်ပေါင်းစပ် ဖန်တီးထားပါသည်။ ဂျာမန်လို “Barwurz” လို့ခေါ်သည့် အပင်သည် ယနေ့အချိန်တွင် ရှားပါးအပင် ဖြစ်နေပြီး ဂျာမန်လူမျိုးများက သူ့၏ အမြစ်ကိုသာ အမျိုးသမီး လစဉ်ဓမ္မတာ ရောဂါ၊ အစာမကြေခြင်း၊ အစာစားချင်စိတ်ကိုဖြစ်စေခြင်း နှင့် ဆီးရောဂါများအတွက် ဆေးအဖြစ် သုံးစွဲခဲ့ပါသည်။ ထိုအရွက်နှင့် ပန်းများကို နွားများစားခြင်းကြောင့် နွားနို့ လှိုင်လှိုင်ထွက်တယ်လို့ မှတ်တမ်းများကဆိုပါသည်။ ထို့ကြောင့် Black Forest ဒေသထွက် Cheese များသည် အရသာ ကောင်းသည်ဟု ဆိုကြပါသည်။ သူ့၏ အရွက်နှင့် ပန်းများကို အခြောက်ခံ အမှုန့်ပြုလုပ်ပြီး ဆားအဖြစ် အငန်ဓာတ် အတွက် အသုံးပြုကြသေးသည်ဟုလည်း ဆိုပါသည်။

၂၀၁၆ ခုနှစ်တွင် Mokey 47 မှ  ပျားရည်နှင့်အတူဖန်တီးထုတ်လုပ်ခဲ့ပါသည်။ ၂၀၁၈ ခုနှစ်တွင် ထွက်ရှိသော Mokey 47 တွင် အနီရောင်မုန်ညှင်းမျိုး၏ အရွက်နဲ့ ပေါင်းစပ် ထုတ်လုပ်ထားပါသည်။ ၂၀၁၉ ခုနှစ်တွင် Nutmeg ခေါ် ဇာတိဖိုလ်သီး နှင့် Mace ခေါ် ဇာတိဖိုလ်ပွင့် တို့ကိုပါ ပေါင်းစပ်ထုတ်လုပ်ပါသည်။ ၂၀၂၀  ခုနှစ် တွင် စန္ဒကူးရနံ့ပါဝင်ပြီး ဂျပန်နိုင်ငံထွက် Mizunara ဝက်သစ်ချစည်များအတွင်း နှစ်ချို့ခံထားပါသည်။

Monkey 47 Gin သည် ကမ္ဘာ့အရောင်းရဆုံး နှင့် လူကြိုက်အများဆုံး German Gin ဖြစ်လာပြီး ယနေ့နိုင်ငံပေါင်း များစွာသို့ ပရီမီယံဂျင်  အဆင့်သတ်မှတ်ပြီး ဖြန့်ဖြူး ရောင်းချလျက် ရှိပါသည်။ Alcohol 47% ပါဝင်ပါသည်။