Chivas Regal Mizunara Whisky 70 cl;

Chivas Regal သည် ၂၀ ရာစုအစောပိုင်းတွင် Chivas Brothers မှ ပထမဆုံးအကြိမ် ပြုလုပ်ခဲ့သည့် ကမ္ဘာ့အကျော်ကြားဆုံး Scotch ရောစပ်ခြင်းဖြစ်သည်။  Chivas Regal Blended Whisky သည် James နှင့် John Chivas ညီအစ်ကိုနှစ်ဦး တည်ထောင်ခဲ့သည့် Chivas Brothers ကုမ္ပဏီ မှ စတင်ထုတ်လုပ်ခဲ့ပါသည်။ မူလတွင် စကော့တလန်နိုင်ငံ အရှေ့မြောက်ပိုင်းက Aberdeen မြို့လေးမှာ အခြားသူများနှင့် ဖက်စပ်လုပ်ကာ အရက်နှင့်ဝိုင် စတိုးဖွင့်လှစ်၍ ကုန်သည်အဖြစ် အသက်မွေးခဲ့ကြပါသည်။ဤသို့ ကုန်သည်ဘဝတွင် ၀ိတိရိယ ဘုရင်မကြီး၏ နန်းတော်ကို တင်သွင်းရန် Royal Warrant ချီးမြှင့်ခြင်းခံထားရသည့်အထိ အောင်မြင်လာခဲ့ပြီး သူတို့၏ ပထမဆုံး Blended Whisky ကို 1854 ခုနှစ်မှာ မိတ်ဆက် ထုတ်လုပ်ခဲ့ပါသည်။ အမှတ်တံဆိပ်အမည်မှာ Royal Glen Dee ဖြစ်ပြီး နှစ်ချို့ခံနှစ် အပိုင်းအခြားကို Label မှာ ဖော်ပြခြင်းမရှိခဲ့ပေ။

သို့သော်  ၁၈၅၇ ခုနှစ်မှာ ဖက်စပ်လုပ်ကိုင်သူများမှ ခွဲထွက်သွားသောကြောင့် ကုမ္ပဏီအမည်ကို Chivas Brothers အဖြစ်ပြောင်းလဲကာ ဆက်လက်ထုတ်လုပ်ခဲ့ပါသည်။ ၁၈၆၃ ခုနှစ်တွင် Chivas Royal Strathythan အမည်ဖြင့် (၁၀) နှစ် နှစ်ချို့ခံ Blended Scotch Whisky ကို ထုတ်လုပ်နိုင်ခဲ့ပါသည်။ ယင်းနောက်ပိုင်းတွင် စကော့တလန် မြောက်ပိုင်းမှ အဆင့်မြင့် Blended Whisky ထုတ်လုပ်နိုင်သည့် ကုမ္ပဏီအဖြစ် ထင်ရှားလာခဲ့ပါသည်။

ကုမ္ပဏီအား အဓိက ဆက်လက်ဦးစီးခဲ့သူတွေဖြစ်သည့် Alexander ၏ လက်ထောက်ဖြစ်သူ Alexander Smith နှင့် Master Blender ဖြစ်သူ Charles Steward Howard တို့မှ ယနေ့အားလုံးသိရှိသည့် Chivas Regal Blended Whisky များအား ၁၉၀၉ ခုနှစ်မှာ စတင်ဖန်တီးခဲ့ပါသည်။ မူလ “Chivas” ဆိုသည့် အမှတ်တံဆိပ်နေရာတွင် တော်ဝင်သော/မဟာဆန်သော ဟုအဓိပ္ပါယ်ရသည့် “Regal” ကိုထပ်မံပေါင်းထည့်ကာ (၂၅) နှစ်နှစ်ချို့ခံ Blended Whisky အဖြစ်ထုတ်လုပ်ခဲ့ပါသည်။ ဤအရာသည် ကမ္ဘာ့ပထမဆုံးနှင့် ရှေးအကျဆုံး Luxury Blended Scotch Whisky အဖြစ် မှတ်တမ်းဝင်ခဲ့ပါသည်။ ထိုအချိန်က စျေးကွက်ထဲတွင် 10 Years Old Blended Whisky များသည် အထင်တကြီးသောက်သုံးရသည့် အနေအထားဖြစ်သောကြောင့် ယခု 25 Years Old သည် စျေးကွက်ထဲတွင် အမှန်တကယ်ကို Luxury Whisky အဖြစ် အောင်မြင်မှု ကို အလျှင်အမြန် ရခဲ့ပါသည်။

ပထမကမ္ဘာစစ်ကြောင့် ထုတ်လုပ်မှုများ လျော့ကျခဲ့ပြီး ၁၉၃၉ ခုနှစ်တွင် ပြန်လည်၍ ထုတ်လုပ်မှုများ စတင်ပြီး ဝီစကီချစ်သူများ လက်လှမ်းမီနိုင်မည့် Premium Level – Chivas Regal 12 Years Old ကို မိတ်ဆက်ခဲ့ပါသည်။ သူတို့၏ထုတ်လုပ်မှုသည် မှန်ကန်ခဲ့သောကြောင့် ဒုတိယကမ္ဘာစစ် ဖြစ်ပွားချိန်တွင်ပင် အမေရိကန် စျေးကွက် အတွင်းတွင် အောင်မြင်မှုရရှိခဲ့သည်။

၁၉၄၉ ခုနှစ်တွင် Seagrams ကုမ္ပဏီကြီးမှ Chivas ကုမ္ပဏီကို ဝယ်ယူခဲ့ပြီး နောက်တစ်နှစ်မှာပင် ယနေ့ Chivas Whisky ကိုထုတ်လုပ်ပေးနေသည့် Strathisla Distillery (၁၇၈၆ ခုနှစ်က တည်ထောင်ထားတဲ့ Milton/Milltown Distillery အား ဝယ်ယူပြီးမှ Chivas Regal ဟု အမည်ပြောင်းလဲခဲ့ပါသည်။ Strathisla Distillery မှ ထုတ်သည့် Strathisla Single Malt ဝီစကီများသည် ယနေ့စျေးကွက်တွင် နာမည်ကျော်ကြားပါသည်။၎င်း Strathisla Single Malt များသည် ယနေ့ Chivas Regal အား ထုတ်လုပ်ရန် Blending လုပ်ရာတွင် အဓိက အသုံးပြု နေသည့် ဝီစကီဖြစ်ပါသည်။