Chivas 12 Yrs Restage Whisky 70 cl;

Chivas Regal ဟာဆိုရင် (၂၀) ရာစုအစောပိုင်းမှာ James and John Chivas  ညီအစ်ကိုနှစ်ဦး တည်ထောင်ခဲ့တဲ့ Chivas Brothers ကုမ္ပဏီမှ ပထမဆုံးအကြိမ် ထုတ်လုပ်ခဲ့တဲ့ ကမ္ဘာ့အကျော်ကြားဆုံး Scotch Blended ဖြစ်ပါတယ်။

မူလအစမှာ စကော့တလန်နိုင်ငံ အရှေ့မြောက်ပိုင်းက Aberdeen မြို့လေးမှာ အခြားသူများနဲ့ ဖက်စပ်လုပ်ပြီး အရက်နဲ့ဝိုင် စတိုးဖွင့်လှစ်ပြီး ကုန်သည်အဖြစ် အသက်မွေးခဲ့ကြပါတယ်။  ကုန်သည်အဖြစ် အသက်မွေးနေစဉ်ကာလမှာ ၀ိတိရိယ ဘုရင်မကြီးရဲ့ နန်းတော်ကို တင်သွင်းရန် Royal Warrant ချီးမြှင့်ခြင်းခံထားရသည်အထိ အောင်မြင်လာခဲ့တာကြောင့် သူတို့ ရဲ့ပထမဆုံး Blended Whisky ကို 1854 ခုနှစ်မှာ မိတ်ဆက် ထုတ်လုပ်ခဲ့ပါတယ်။ အမှတ်တံဆိပ်အမည်မှာ Royal Glen Dee ဖြစ်ပြီး နှစ်ချို့ခံနှစ် အပိုင်းအခြားကို Label မှာ ဖော်ပြခြင်းမရှိခဲ့ပါ။

1857 ခုနှစ်မှာ ဖက်စပ်ပူးပေါင်းလုပ်ကိုင်သူမှ ခွဲထွက်သွားခဲ့‌တာကြောင့် ကုမ္ပဏီအမည်ကို Chivas Brothers အဖြစ်ပြောင်းလဲကာ ဆက်လက်ထုတ်လုပ်ခဲ့ခြင်းဖြစ်ပါတယ်။ 1863 ခုနှစ်မှာ Chivas Royal Strathythan ဆိုတဲ့ (10) နှစ် နှစ်ချို့ခံ Blended Scotch Whisky ကိုထုတ်လုပ်နိုင်ခဲဲ့ပါတယ်။ အဲဒီနောက်ပိုင်းမှာတော့ စကော့တလန်မြောက်ပိုင်းမှာ အဆင့်မြင့် Blended Whisky ထုတ်လုပ်နိုင်တဲ့ ကုမ္ပဏီအဖြစ် ထင်ရှားလာခဲ့ပါတယ်။

ကုမ္ပဏီကို အဓိကဆက်လက်ဦးစီးခဲ့သူတွေဖြစ်တဲ့ Alexander ရဲ့ လက်ထောက်ဖြစ်ခဲ့သူ Alexander Smith နှင့် Master Blender ဖြစ်သူ Charles Steward Howard တို့ကသာ ယနေ့အားလုံးသိတဲ့ Chivas Regal Blended Whisky တွေကို 1909 ခုနှစ်မှာ စတင်ဖန်တီးခဲ့ပါတယ်။ မူလ “Chivas” ဆိုတဲ့ အမှတ်တံဆိပ်နေရာမှာ တော်ဝင်သော၊ မဟာဆန်သောလို့အဓိပ္ပါယ်ရတဲ့ “Regal” ဆိုတဲ့ စကားလုံးကိုထပ်မံပေါင်းထည့်ပြီး (25) နှစ်နှစ်ချို့ခံ Blended Whisky ကို လည်းထုတ်လုပ်ခဲ့ပါတယ်။ ထိုဝီစကီဟာ ကမ္ဘာ့ပထမဆုံးနဲ့ရှေးအကျဆုံး Luxury Blended Scotch Whisky အဖြစ် မှတ်တမ်းဝင်ခဲ့ပါတယ်။ အဲ့ဒီအချိန်တုန်းက စျေးကွက်မှာ 10 Years Old Blended Whisky တွေကိုသာ အထင်တကြီးသောက်သုံးရတဲ့ အနေအထားဖြစ်တာကြောင့် ဒီ 25 Years Old ဟာ စျေးကွက်မှာတကယ့် Luxury Whisky အဖြစ်အောင်မြင်မှု အလျင်အမြန်ရခဲ့ပါတယ်။

ပထမကမ္ဘာစစ်ကြောင့် ထုတ်လုပ်မှုလျော့ကျခဲ့ပြီးနောက်၊ 1939 ခုနှစ်မှာ ဝီစကီချစ်သူများအတွက်လက်လှမ်းမီနိုင်မယ့် Premium Level – Chivas Regal 12 Years Old ကိုမိတ်ဆက်ခဲ့ပါတယ်။ သူတို့ရဲ့ ထုတ်လုပ်မှုကမှန်ကန်ခဲ့ပြီး ဒုတိယကမ္ဘာစစ်ဖြစ်ပွားချိန်မှာတောင် အမေရိကန်စျေးကွက်မှာ အောင်မြင်မှုရရှိခဲ့ပါတယ်။

Chivas Regal (12) Year Old Blended Scotch Whisky ကို အခြေခံပြီး မန်ချက်စတာယူနိုက်တက်ဘောလုံး အသင်းရဲ့ ဂန္ဓဝင်ကစားသမားဟောင်း Andy Cole ဂုဏ်ပြုတဲ့ အနေနဲ့ Chivas Andy Cole Special Edition ကိုထပ်မံထုတ်လုပ်ခဲ့ပါတယ်။

ယနေ့ 2022 မှာတော့ ပြောင်းလဲတိုးတက်နေတဲ့ ခေတ်ရေစီးကြောင်းနဲ့အညီ လူငယ်တွေစိတ်ကြိုက်ဖြစ်စေမယ့် ဒီဇိုင်းကာလာကိုပြောင်းလဲဆန်းသစ်ပြီး ပုလင်းဒီဇိုင်းအသစ်နဲ့ New Chivas 12 ကို ထပ်မံမိတ်ဆက်လိုက်ပါတယ်။ သက်တမ်း ၁၂ နှစ်ကို ကိုယ်စားပြုတဲ့ 12 နေရာမှာ ရောမဂဏန်း XII အဖြစ်ပြောင်းလဲဖော်ပြပြီး၊ ပုလင်းဒီဇိုင်းပြောင်းထားပေမယ့် Chivas12 ရဲ့ ကမ္ဘာကျော် အနံ့၊အရသာတွေကတော့ လုံးဝပြောင်းလဲမှု မရှိလို့ မူလအနှစ်သာရမပျက်ခံစားရမှာပဲဖြစ်ပါတယ်။